Библия на церковно-славянском языке - транслитерация современным русским алфавитом
(1751)

Книга пророка Захарии

◄◄ | ◄ | Глава ⚫ | ► | ►►

¹ И бысть в четвертое лето, при Дарии цари, бысть слово Господне ко Захарии в четвертый месяца девятаго, иже есть Хаселев.

² И посла в Вефиль Сарасар и Арвесеер царь и мужие его молити Господа,

³ глаголя ко священником, иже во храме Господа (Бога) Вседержителя, и пророком, глаголя: аще вниде зде в пятый месяц святыня, (плачя или постяся,) якоже сотворих уже многа лета.

⁴ И бысть слово Господа Вседержителя ко мне глаголя:

⁵ рцы ко всем людем земли и ко священником глаголя: аще постистеся или плачевопльствисте в пятинах или седминах (месяца), и се, седмьдесят лет, постом ли постистеся Ми?

⁶ И аще ясте или пиете, не вы ли ясте и пиете?

⁷ Не сия ли суть словеса, яже глагола Господь руками пророков прежних, егда бе Иерусалим населен и гобзующь, и гради его окрест, и нагорная и подольная населена бяху?

⁸ И бысть слово Господне ко Захарии глаголя:

⁹ сице глаголет Господь Вседержитель: суд праведен судите и милость и щедроты творите кийждо ко брату своему,

¹⁰ а вдовицы и сира, и пришелца и убога не насильствуйте, и злобы кийждо брата своего да не помнит в сердцах своих.

¹¹ И не покоришася, еже внимати, и даша плещы презирающыя, и ушеса своя отяготиша, еже не слышати,

¹² и сердце свое учиниша непокориво, не послушати закона Моего и словес, яже посла Господь Вседержитель Духом Своим рукою пророков прежних: и бысть гнев великий от Господа Вседержителя.

¹³ И будет, якоже рече, и не услышаша Его: сице возопиют, и не имам услышати, глаголет Господь Вседержитель:

¹⁴ и отвергу я во вся языки, иже не разумеша, и земля запустеет последи их от проходящаго и от возвращающагося: и учиниша избранную землю в запустение.