Библия на церковно-славянском языке - транслитерация современным русским алфавитом
(1751)

Книга Сираха

◄◄ | ◄ | Глава ⚫ | ► | ►►

¹ Память Иосиева в сложение фимиама, и состроеное делом мироварника:

² во всяцех устех яко мед усладится, и яко мусикиа в пире вина.

³ Той управлен бысть во обращение людий и отят мерзости беззакония,

⁴ исправи ко Господу сердце свое, во дни беззаконных укрепи благочестие.

⁵ Кроме Давида и Езекии и Иосии, вси прегрешиша прегрешением,

⁶ оставиша бо закон Вышняго: царие Иудины оскудеша,

⁷ даша бо рог свой инем и славу свою языку чуждему,

⁸ сожгоша избран град святыни и опустошиша пути его рукою Иеремииною:

⁹ озлобиша бо его, и той во чреве освящен бысть пророк искоренити и озлобити и погубити, такожде создати и насадити.

¹⁰ Иезекииль, иже виде видение славы, юже показа ему в колеснице херувимсте:

¹¹ помяну бо враги в дожди, и благосотворити направляющым пути.

¹² И обоюнадесяте пророков да процветут кости от мест своих: утеши бо Иакова и избавил я верою надежды.

¹³ Како возвеличим Зоровавеля? И сей яко печать на десней руце:

¹⁴ такожде Иисус сын Иоседеков: иже во дни своя создаста дом и воздвигоста церковь святу Господеви, уготовану во славу века.

¹⁵ И Неемии на мнозе (буди) память, воздвигшему нам стены падшыя и поставльшему двери и заворы и воздвигшему домы падшыя нашя.

¹⁶ Никтоже создан бысть таков, яко Енох на земли: той бо взят бысть от земли.

¹⁷ Ниже яко Иосиф бысть муж, вождь братии, утверждение людем, и кости его посещены быша.

¹⁸ Сим и Сиф прославлена быста в человецех, и паче всякаго животнаго в твари Адам.