Библия на церковно-славянском языке - транслитерация современным русским алфавитом
(1751)

Вторая книга Царств

◄◄ | ◄ | Глава ⚫ | ► | ►►

¹ И сия словеса Давидова последняя. Верен Давид сын Иессеов, и верен муж, егоже возстави Господь в христа Бога Иаковля, и благолепны псалмы Израилевы.

² И Дух Господень глагола во мне, и слово Его на языце моем.

³ Глаголет Бог Израилев: мне глагола хранитель Израилев притчу: рех в человецех: како удержите страх Божий?

⁴ И во свете Божии утреннем, и возсия солнце заутра, не прейде от сияния, и яко от дождя злачна от земли.

⁵ Не тако бо дом мой с Крепким: завет бо вечен положи ми, готов во всяком времени сохранен: яко все спасение мое и все хотение во Господе, яко не имать прозябнути беззаконный.

⁶ Якоже терние извержено вси сии, яко не возмутся рукою,

⁷ и муж не потрудится в них: и множество железа, и древо копийное, и огнем сожжет, и попалятся в срамоту свою.

⁸ Сия имена сильных Давидовых: Иевосфей Хананеанин князь третияго есть: адинон асоней, сей обнажи мечь свой на осмь сот воинов (и победи) единою.

⁹ И по нем Елеазар, сын отца брата его, в триех сильных братиях, сей бе со Давидом (во сирране) внегда поносити ему во иноплеменницех: и иноплеменницы собрашася тамо на брань,

¹⁰ и изыдоша мужие Израилевы противу лица их, и той воста и убиваше иноплеменники, дондеже утрудися рука его и прильпе рука его к мечу: и сотвори Господь спасение велико в той день: и людие обратишася вслед его токмо совлачати.

¹¹ И по нем Самаиа сын Асы, Арухейский: и собрашася иноплеменницы во Фирию: и бе тамо часть села исполнь лящи: и людие бежаша от лица иноплеменнича:

¹² и ста аки столп посреде части, и исхити ю, и порази иноплеменники: и сотвори Господь спасение велико.

¹³ И снидоша три князи от тридесятих, и приидоша в касон к Давиду в вертеп Одоллам: и чинове иноплеменник ополчишася во юдоли Рафаинстей.

¹⁴ И Давид тогда бе во обдержании, и стан иноплеменническ бе тогда в Вифлееме.

¹⁵ И возжада Давид и рече: кто напоит мя водою из рова, иже в Вифлееме при вратех? Стан же бе тогда иноплеменничь в Вифлееме.

¹⁶ И расторгоша трие сильнии ополчение иноплеменничо, и почерпоша воды из рова Вифлеемскаго, иже при вратех: и взяша, и приидоша ко Давиду, и не восхоте пити ея: и возлия ю Господу

¹⁷ и рече: милостив мне, Господи, еже сотворити сие, кровь ли мужей пошедших в душах своих пити имам? И не восхоте пити ея. Сия сотвориша трие сильнии.

¹⁸ И Авесса брат Иоавль сын Саруин, сей бе князь в триех, и сей воздвиже копие свое на триста язвеных, и тому имя есть в триех.

¹⁹ От триех оных славный, и бысть им князь, и даже до триех не прииде.

²⁰ И Ванеа сын Иодаев, муж сей премног в делех, от Кавасаила, и сей уби два сына Ариила Моавскаго: и той сниде, и уби льва посреде рова в день снежен:

²¹ и той порази мужа Египтянина, мужа красна, в руце же Египтянина копие яко древо лествицы корабленыя: и сниде к нему со палицею, и исторже копие из руку Египтянина, и уби его копием его:

²² сия сотвори Ванеа сын Иодаев, и тому имя в триех сильных,

²³ от триех славный, и ко трием не прииде: и постави его Давид над таинники своими.

²⁴ И сия имена сильных Давида царя: Асаил брат Иоавль, сей в тридесятих: Елеанан сын отца брата его от Вифлеема:

²⁵ Семоф Ародиин:

²⁶ Хеллис Келофийский: Ира сын Еккиса Фекоитскаго:

²⁷ Авиезер Анафофитский: Савухей иже от Асофиты:

²⁸ Еллон Алонитский: моей Нетофафитянин:

²⁹ Ели сын Ваань, иже от Нетофафит: Еффи сын Ривань от Гаваона сынов Вениаминих:

³⁰ Ванеас Фарафонитский: Урий от Наалгеа:

³¹ Ариил сын Аравофитянина: Заор Варсамитский:

³² Елеаса сын Салавонитский: Васей гонитский:

³³ Ионафан сын Самана Ароритскаго: Ахиан сын Арати Арафурскаго:

³⁴ Елифалаф сын Маахиавль: Елиав сын Ахитофела Гелонитскаго:

³⁵ Асараи Кармилский: Урем сын Асви:

³⁶ и Гала сын Нафанов: и Ваан сын Агарин:

³⁷ Елли Амманитский: Гелорей Вирофийский, носяй оружие Иоава сына Саруина:

³⁸ Ирас Еффирский: Гарев Иерфейский: и Уриа Гефейский.

³⁹ Всех тридесять и седмь.