Перевод блаженного Иеронима Стридонского книг Священного Писания на латынь - Vulgata (Вульгата)
(386-405)

Epistula ad Romanos

◄◄ | ◄ | Глава ⚫ | ► | ►►

¹ qui cum iustitiam Dei cognovissent non intellexerunt quoniam qui talia agunt digni sunt morte non solum ea faciunt sed et consentiunt facientibus

² propter quod inexcusabilis es o homo omnis qui iudicas in quo enim iudicas alterum te ipsum condemnas eadem enim agis qui iudicas

³ scimus enim quoniam iudicium Dei est secundum veritatem in eos qui talia agunt

⁴ existimas autem hoc o homo qui iudicas eos qui talia agunt et facis ea quia tu effugies iudicium Dei

⁵ an divitias bonitatis eius et patientiae et longanimitatis contemnis ignorans quoniam benignitas Dei ad paenitentiam te adducit

⁶ secundum duritiam autem tuam et inpaenitens cor thesaurizas tibi iram in die irae et revelationis iusti iudicii Dei

⁷ qui reddet unicuique secundum opera eius

⁸ his quidem qui secundum patientiam boni operis gloriam et honorem et incorruptionem quaerentibus vitam aeternam

⁹ his autem qui ex contentione et qui non adquiescunt veritati credunt autem iniquitati ira et indignatio

¹⁰ tribulatio et angustia in omnem animam hominis operantis malum Iudaei primum et Graeci

¹¹ gloria autem et honor et pax omni operanti bonum Iudaeo primum et Graeco

¹² non est enim personarum acceptio apud Deum

¹³ quicumque enim sine lege peccaverunt sine lege et peribunt et quicumque in lege peccaverunt per legem iudicabuntur

¹⁴ non enim auditores legis iusti sunt apud Deum sed factores legis iustificabuntur

¹⁵ cum enim gentes quae legem non habent naturaliter quae legis sunt faciunt eiusmodi legem non habentes ipsi sibi sunt lex

¹⁶ qui ostendunt opus legis scriptum in cordibus suis testimonium reddente illis conscientia ipsorum et inter se invicem cogitationum accusantium aut etiam defendentium

¹⁷ in die cum iudicabit Deus occulta hominum secundum evangelium meum per Iesum Christum

¹⁸ si autem tu Iudaeus cognominaris et requiescis in lege et gloriaris in Deo

¹⁹ et nosti voluntatem et probas utiliora instructus per legem

²⁰ confidis te ipsum ducem esse caecorum lumen eorum qui in tenebris sunt

²¹ eruditorem insipientium magistrum infantium habentem formam scientiae et veritatis in lege

²² qui ergo alium doces te ipsum non doces qui praedicas non furandum furaris

²³ qui dicis non moechandum moecharis qui abominaris idola sacrilegium facis

²⁴ qui in lege gloriaris per praevaricationem legis Deum inhonoras

²⁵ nomen enim Dei per vos blasphematur inter gentes sicut scriptum est

²⁶ circumcisio quidem prodest si legem observes si autem praevaricator legis sis circumcisio tua praeputium facta est

²⁷ si igitur praeputium iustitias legis custodiat nonne praeputium illius in circumcisionem reputabitur

²⁸ et iudicabit quod ex natura est praeputium legem consummans te qui per litteram et circumcisionem praevaricator legis es

²⁹ non enim qui in manifesto Iudaeus est neque quae in manifesto in carne circumcisio

³⁰ sed qui in abscondito Iudaeus et circumcisio cordis in spiritu non littera cuius laus non ex hominibus sed ex Deo est