Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Псальма Давіда, калі ён уцякаў ад Авэсалома, сына свайго.

² Госпадзе! - як пабольшала ворагаў маіх! як многа іх на мяне паўстае!

³ Шмат каторыя кажуць душы маёй: "Няма яму ў Богу ратунку!"

⁴ Але Ты, Госпадзе, - шчыт перада мною, слава мая, і Ты ўзносіш маю галаву.

⁵ Сваім голасам клічу да Госпада, - і Ён чуе мяне са сьвятое гары Свае.

⁶ Кладуся я, сплю і ўстаю, бо Гасподзь абараняе мяне.

⁷ І не збаюся я процьмы людзей, што адусюль аблажылі мяне.

⁸ Паўстань, Госпадзе! ацалі мяне, Божа мой! бо Ты б'еш маіх ворагаў па шчацэ, зубы грэшнікам крышыш.

⁹ Ратунак у Госпадзе. Над народам Тваім дабраслаўленьне Тваё.