Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Алілуя. Хвалеце Госпада зь нябёсаў, хвалеце Яго ў вышынях.

² Хвалеце Яго, усе анёлы Ягоныя, хвалеце Яго, усе войскі Ягоныя.

³ Хвалеце Яго, сонца і месяц, хавалеце Яго, усе зоркі сьвету.

⁴ Хвалеце Яго, нябёсы нябёсаў і воды, якія вышэй за неба.

⁵ Хай хваляць імя Госпада, бо Ён сказаў - і сталася, Ён загадаў, і стварылася,

⁶ паставіў іх на векі вечныя; даў наказ, які не праміне.

⁷ Хвалеце Госпада зь зямлі, вялікія рыбы і ўсе прадоньні,

⁸ вагонь і град, сьнег і туман, буйны вецер, які напаўняе слова Ягонае,

⁹ горы і ўсе пагоркі, дрэвы плодныя і ўсе кедры,

¹⁰ зьвяры і ўсякае быдла, паўзуны і птушкі крылатыя,

¹¹ цары зямныя і ўсе народы, князі і ўсе судзьдзі зямныя,

¹² хлопцы і дзяўчаты, старцы і падлеткі

¹³ хай хваляць імя Госпада; бо толькі Ягонае імя высока ўзьнесена, слава Ягоная на зямлі і на нябёсах.

¹⁴ Ён падняў рог народу Свайго, славу ўсіх сьвятых Сваіх, сыноў Ізраілевых, народу, блізкага Яму. Алілуя.