Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Хвалі, Ерусаліме, Госпада; хвалі, Сіёне, Бога твайго,

² бо Ён мацуе завалы ў брамах тваіх, дабраслаўляе сыноў тваіх сярод неба;

³ сьцьвярджае ў межах тваіх спакой; тлушчам пшаніцы корміць цябе,

⁴ пасылае слова Сваё на зямлю; хутка цячэ слова Ягонае,

⁵ дае сьнег, як хвалю; сыпле іней, як попел;

⁶ кідае град Свой кавалкамі; перад марозам Ягоным хто выстаіць?

⁷ Пашле слова Сваё, і ўсё растае; падзьме ветрам Сваім, і пацякуць воды.

⁸ Ён абвясьціў слова Сваё Якаву, пастановы Свае і суды Свае Ізраілю.

⁹ Не зрабіў Ён таго ніякаму іншаму народу, і судоў Ягоных яны ня ведаюць. Алілуя.