Библия на церковно-славянском языке - транслитерация современным русским алфавитом
(1751)

Книга Неемии

◄◄ | ◄ | Глава ⚫ | ► | ►►

¹ И вселишася началницы людий во Иерусалиме, и прочии людие метнуша жребия взяти единаго от десяти, да пребывает во Иерусалиме граде святем, и девять частей во градех.

² И благословиша людие всех мужей, иже сами произволиша обитати во Иерусалиме.

³ И сии началницы страны, иже обиташа во Иерусалиме: и во градех Иудиных обиташе кийждо во одержании своем, во градех своих Израилевых, священницы и левити, и нафинее и сынове рабов Соломоновых.

⁴ И во Иерусалиме обиташа от сынов Иудиных и от сынов Вениаминих. От сынов Иудиных Афаиа сын Озиин, сын Захариин, сын Самариин, сын Сафатиев, сын Масеиль и от сынов Фаресовых,

⁵ и Маасиа, сын Варухов, сын Халазов, сын Озиев, сын Адаиев, сын Иоаривль, сын Захариев, сын Силониев:

⁶ вси сынове Фаресовы, иже обиташа во Иерусалиме, четыреста шестьдесят осмь мужие крепцы.

⁷ Сии же сынове Вениамини: Силон сын Месулаев, сын Иоадов, сын Фадаиев, сын Колиев, сын Маасиев, сын Ефииль, сын Иессиев,

⁸ и по нем Гевеил, Силиев, девять сот двадесять осмь.

⁹ И Иоиль сын Зехрин настоятель над ними, и Иуда сын Асанаев, от града, вторый.

¹⁰ От священников: и Иадиа сын Иоаривль, Иахинь,

¹¹ Сареа сын Елхиев, сын Месуламов, сын Саддуков, сын Мариофов, сын Етофов, началник дому Божия,

¹² и братия их делающе дело церкве осмь сот двадесять два: и Адаиа сын Иероамль, сына Фалалиина, сына Намасова, сына Захариина, сына Фасефурова, сына Мелхиина,

¹³ и братия его началницы отечеств двести четыредесять два: и Амесай сын Езрииль, сына Сакхиева, сына Масаримофова, сына Еммирова,

¹⁴ и братия его сильнии во бранех сто двадесять осмь: и настоятель их Сохриил, сын Великих.

¹⁵ И от левит: Самаиа сын Асува, сына Езрикама, сына Асавии, сына Вонни,

¹⁶ и Саввафей, и Иосавад над делами дому Божия внешняго и от началников левитских,

¹⁷ и Матфаниа, сын Михаев, сын Зехриев, сына Асафова, началник хваления, и Иуда молитвы, и Вокхиа вторый от братий своих, и Авдиа сын Самеа сына Галелова, сына Идифунова:

¹⁸ всех левитов во граде святем двести осмьдесят четыре.

¹⁹ И дверницы: Акув, Теламин и братия их, стрегущии врат, сто седмьдесят два.

²⁰ Прочии же от Израиля иерее же и левити во всех градех Иудеи кийждо в наследии своем.

²¹ И нафинее, иже обиташа во Офле, Сиай и Гесф от нафинеев.

²² И началник левитов во Иерусалиме Озий сын Ваниин сына Савиева, сына Матфаниева, сына Михаева, от сынов Асафовых поющих над делом дому Божия,

²³ яко заповедь царева (бе) им: и пребываше верно над певцами оброк коегождо дне в день свой.

²⁴ И Фафеа, сын Массизавилов от сынов Зариных, сына Иудина, при руце цареве всякия потребы ради людий.

²⁵ И при дворех, иже на селех их: и от сынов Иудиных обиташа в Кариафарвоце и в селех его, и в Девоне и в селех его, и в Кафсеиле и в селех его,

²⁶ и во Иисусе, и в Моладе, и в Веффалате,

²⁷ и во Асерсоале, и в Вирсавеи и в селех ея,

²⁸ и в Секелаге, и Мавне и в селех ея,

²⁹ и в Ремаоне, и в Саре, и во Иеримуфе,

³⁰ и в Заннои, и во Одолламе и в селех их, и в Лахисе и в селех его, и во Азике и в селех ея: и ополчишася в Вирсавеи даже до дебри Еннон.

³¹ И сынове Вениамини от Гаваи и Магмаса и Вефиля и от весей его,

³² и во Анафофе, в Нове, во Ании,

³³ во Асоре, в Раме, в Гефаиме,

³⁴ в Адоде, в Севоиме, в Навалате,

³⁵ в Лидде и во Оногиарасим.

³⁶ И от левитов части Иудины и Вениамини.