Библия на церковно-славянском языке - транслитерация современным русским алфавитом
(1751)

Книга Неемии

◄◄ | ◄ | Глава ⚫ | ► | ►►

¹ И в печатлеющих быша сии: Неемиа Артасаста сын Ахалиев и Седекиа

² сын Араиев, и Азариа и Иеремиа,

³ Фасур, Амариа, Мелхиа,

⁴ Аттус, Севаниа, Маллух,

⁵ Ирам, Мерамоф, Авдиа,

⁶ Даниил, Ганафон, Варух,

⁷ Месуллам, Авиа, Миамин,

⁸ Маазиа, Велгаи, Самаиа: сии священницы.

⁹ Левити же: Иисус сын Азариин, Ваней от сынов Инададовых, Кадмиил

¹⁰ и братия его Саваниа, Одуиа, Калитан, Фелиа, Анан,

¹¹ Миха, Роов, Асевиа,

¹² Закхор, Саравиа, Севаниа,

¹³ Одуа, сынове Вануини.

¹⁴ Началницы людий: Форос, Фааф-Моав, Илам, Зафуиа,

¹⁵ сынове Ванниины Азгад, Вивай,

¹⁶ Ананиа, Вагой, Идин,

¹⁷ Атир, Езекиа, Азур,

¹⁸ Одувиа, Исам, Висий,

¹⁹ Ариф, Анафоф, Новай,

²⁰ Мегафис, Месуллам, Изир,

²¹ Месозевил, Садук, Иеддуа,

²² Фалтиа, Анан, Анаиа,

²³ Осиа, Ананиа, Асув,

²⁴ Адой, Фалаа, Совик,

²⁵ Раум, Ессавана, Маасиа

²⁶ и Аиа, Енан, Инам,

²⁷ Малух, Ирам, Ваана.

²⁸ И прочии от людий, священницы, левити, дверницы, певцы, нафиними и всяк приходяй от людий земских ко закону Божию, жены их, сынове их, дщери их, всяк ведяй и разумеяй,

²⁹ укрепляхуся над братиею своею, и заклинаша их, и внидоша в клятву и в роту, еже ходити в законе Божии, иже дан есть рукою Моисеа раба Божия, да сотворят и сохранят вся заповеди Господни и судбы Его и повеления Его,

³⁰ и еже не дати дщерей наших людем земским, и дщерей их не возмем сыновом нашым:

³¹ людие же земли носящии продаемая и вся купуемая во дни субботы продавати, не купим от них в субботы, ни в день святый: и оставим лето седмое, и даяние всех рук.

³² И поставим над нами заповедь даяти нам третию часть дидрахмы на лето, на дело дому Бога нашего,

³³ на хлебы предложения и на жертвы повседневныя, и во всесожжение присное суббот, новомесячий, в праздники и во святая, и яже о гресех, помолитися за Израиля, и на дела дому Бога нашего.

³⁴ И жребий метнухом о ношении древес, священницы и левити и людие, носити в дом Бога нашего, по домом отечеств наших, от времене до времене, от лета до лета возжигати на олтари Господу Богу нашему, якоже писано есть в законе,

³⁵ и приносити первородная земли нашея и первородная плода всякаго древа, от лета до лета, в дом Господень,

³⁶ и первенцы сынов наших и скотов наших, якоже писано есть в законе, и первенцы волов наших и стад наших приносити в дом Бога нашего, священником служащым в дому Бога нашего:

³⁷ и начатки жит наших и плод всякаго древа, вина и елеа, приносити будем священником в сокровище дому Божия, и десятину земли нашея левитом, и тии левити десятину приемлют во всех градех дел наших.

³⁸ Будет же священник сын Ааронов с левиты в десятинах левитов, и левити имут приносити десятую часть десятины в дом Бога нашего в сокровище дому Божия,

³⁹ яко в сокровища принесут сынове Израилевы и сынове левитстии начатки пшеницы и вина и елеа, и тамо (будут) сосуди святии, и священницы и служителие и дверницы и певцы, и не оставим дому Бога нашего.