Бiблiя беларуская - пераклад Василя Сёмухи
(1995, Минск)

3-е Яна

◄◄ | ◄ | Глава ⚫ | ► | ►►

¹ Старац - любаснаму Гаію, якога я ў ісьціне люблю.

² Любасны! малюся, каб табе здаровілася і шчасьціла ва ўсім, як шчасьціць душы тваёй.

³ Бо я вельмі ўсьцешыўся, калі прыйшлі браты і засьведчылі пра тваю вернасьць, як ты ходзіш у ісьціне.

⁴ Няма мне большае радасьці, як чуць, што дзеці мае ходзяць у ісьціне.

⁵ Любасны! ты як верны дзееш у тым, што робіш братам і вандроўнікам;

⁶ яны засьведчылі перад царквою пра любоў тваю; ты добра зробіш, калі адпусьціш іх, як яно трэба дзеля Бога,

⁷ бо яны дзеля імя Ягонага пайшлі, ня ўзяўшы нічога ад язычнікаў.

⁸ Дык вось павінны мы прымаць іх такіх, каб зрабіцца спрыяльнікамі ісьціне.

⁹ Я пісаў быў царкве; але Дыятрэф, які любіць быць першым у іх, ня прымае нас.

¹⁰ Таму, калі я прыйду, дык узгадаю ўчынкі, якія ён робіць, ганячы словамі ліхімі нас, і, не задавальняючыся гэтым, і сам ня прымае братоў, і забараняе тым, што жадаюць прымаць, і выганяе іх з царквы.

¹¹ Любасны! не ўпадабняйся ліхому, а добраму. Хто робіць дабро, той Божы; а хто робіць ліха, ня бачыў Бога.

¹² Пра Дзімітрыя засьведчылі ўсе і сама ісьціна; сьведчым таксама і мы, і вы ведаеце, што сьведчаньне нашае ў ісьціне.

¹³ Многае меўся я напісаць; ды не хачу пісаць табе чарнілам і трысьцінкаю,

¹⁴ спадзяюся ж бо неўзабаве пабачыць цябе і пагутарыць вуснамі ў вусны.

¹⁵ Мір табе! вітаюць цябе сябры; павітай сяброў паіменна. Амін.