Святое Дабравесце (па Беларуску) пераклад Бiблейскай камiсii БПЦ МП

Святое Дабравесце паводле Iаана

◄◄ | ◄ | Глава ⚫ | ► | ►►

¹ Я - сапраўдная вiнаградная Лаза, а Айцец Мой - Вiнаградар;

² усякую галiну на Мне, якая не прыносіць плоду, Ён адсякае; i ўсякую, што прыносіць плод, ачышчае, каб большы плод прыносіла.

³ Вы ўжо ачышчаны праз слова, якое Я гаварыў вам.

⁴ Будзьце ўва Мне, i Я ў вас. Як галiна не можа прыносіць плоду сама па сабе, калi не будзе на лазе, так i вы, калi ўва Мне не будзеце.

⁵ Я - вінаградная Лаза, вы - галiны; хто знаходзіцца ўва Мне, а Я ў iм, той прыносiць многа плоду, бо без Мяне не можаце рабiць нiчога;

⁶ хто не будзе ўва Мне, той будзе выкiнуты вон, як галiна, i засохне; і збiраюць іх, i кiдаюць у агонь, i яны згараюць;

⁷ калi будзеце ўва Мне i словы Мае ў вас будуць, тады чаго хочаце прасіце, i будзе вам;

⁸ тым праславiцца Айцец Мой, калi вы многа плоду прынесяце i будзеце Маiмi вучнямi.

⁹ Як узлюбiў Мяне Айцец, так і Я ўзлюбiў вас; будзьце ў любовi Маёй;

¹⁰ калi вы запаведзi Мае выканаеце, то будзеце ў любовi Маёй, як i Я запаведзі Айца Майго выканаў i знаходжуся ў Яго любовi;

¹¹ гэта сказаў Я вам, каб радасць Мая ў вас была i каб радасць ваша была поўная;

¹² вось запаведзь Мая: каб вы любілі адзін аднаго, як Я ўзлюбіў вас;

¹³ большай любові ні ў кога няма, як тая, калi хто душу сваю паложыць за сяброў сваiх.

¹⁴ Вы сябры Мае, калi робіце тое, што Я запаведую вам;

¹⁵ Я ўжо не называю вас рабамі, бо раб не ведае, што робiць гаспадар яго; а Я назваў вас сябрамі, бо ўсё, што чуў ад Айца Майго, Я паведаў вам;

¹⁶ не вы Мяне выбралi, а Я вас выбраў i паставiў вас, каб вы iшлi i плод прыносiлi, i плод ваш заставаўся; каб, чаго ні папросiце ў Айца ў iмя Маё, Ён даў вам.

¹⁷ Гэта запаведую вам: каб любілі адзiн аднаго;

¹⁸ калi свет вас ненавiдзiць, ведайце, што Мяне ён перш чым вас узненавiдзеў;

¹⁹ калi б вы ад свету былi, то свет любiў бы сваё; але паколькі вы не ад свету, а Я выбраў вас ад свету, таму ненавiдзiць вас свет.

²⁰ Памятайце слова, якое Я сказаў вам: раб не большы за гаспадара свайго; калi Мяне гналі, і вас будуць гнаць; калi Маё слова выконвалі, i ваша будуць выконваць;

²¹ але ўсё гэта будуць рабіць вам за iмя Маё, бо не ведаюць Таго, Хто паслаў Мяне;

²² калi б Я не прыйшоў i не гаварыў iм, то не мелi б граху; а цяпер не маюць апраўдання за грэх свой;

²³ хто ненавідзіць Мяне, той і Айца Майго ненавідзіць;

²⁴ калі б Я сярод іх не зрабіў спраў, якіх ніхто іншы не рабіў, то граху не мелi б яны; цяпер жа i бачылi, i ўзненавiдзелi Мяне i Айца Майго;

²⁵ але няхай збудзецца слова, напiсанае ў законе iх: "узненавiдзелi Мяне без прычыны".

²⁶ Калi ж прыйдзе Уцяшыцель, Якога Я пашлю вам ад Айца, Дух Ісціны, Якi ад Айца зыходзiць, Ён будзе сведчыць пра Мяне,

²⁷ і вы сведчыце, таму што вы ад пачатку са Мною.