Святое Дабравесце (па Беларуску) пераклад Бiблейскай камiсii БПЦ МП

Святое Дабравесце паводле Iаана

◄◄ | ◄ | Глава ⚫ | ► | ►►

¹ Няхай не трывожыцца сэрца ваша; веруйце ў Бога, i ў Мяне веруйце;

² у доме Айца Майго абіцеляў многа; а калі б не так, Я сказаў бы вам: iду падрыхтаваць месца вам;

³ і калi пайду i падрыхтую месца вам, зноў прыйду i вазьму вас да Сябе, каб там, дзе Я, былi i вы;

⁴ а куды Я іду, вы ведаеце, i шлях ведаеце.

⁵ Кажа Яму Фама: Госпадзі! мы не ведаем, куды Ты ідзеш; і як мы можам шлях ведаць?

⁶ Кажа яму Іісус: Я - шлях i ісціна, i жыццё: нiхто не прыходзіць да Айца інакш, як праз Мяне;

⁷ калi б ведалi вы Мяне, то i Айца Майго ведалі б; i з гэтага часу ведаеце Яго i бачылi вы Яго.

⁸ Кажа яму Фiлiп: Госпадзі! пакажы нам Айца, i дастаткова для нас.

⁹ Кажа яму Іісус: гэтулькi часу Я з вамi, i ты не пазнаў Мяне, Фiлiп? хто бачыў Мяне, той бачыў Айца; як жа ты кажаш: "пакажы нам Айца"?

¹⁰ цi не верыш, што Я ў Айцу i Айцец ува Мне? Словы, якія Я гавару вам, Я не ад Сябе гавару; Айцец, які ўва Мне, Ён здзяйсняе справы;

¹¹ верце Мне, што Я ў Айцу i Айцец ува Мне; а калi не, то з-за самых спраў верце Мне;

¹² праўду, праўду кажу вам: хто веруе ў Мяне, той здзейсніць справы, якiя Я здзяйсняю, і большыя за iх здзейснiць; таму што Я да Айца Майго iду;

¹³ і чаго ні папросiце ў iмя Маё, тое зраблю, каб праславiўся Айцец у Сыне;

¹⁴ калі чаго папросiце ў iмя Маё, Я зраблю;

¹⁵ калi любiце Мяне, то запаведзі Мае выканайце,

¹⁶ і Я ўмалю Айца, i другога Уцяшыцеля Ён дасць вам, каб быў з вамi давеку,

¹⁷ Духа ісціны, Якога свет не можа прыняць, бо не бачыць Яго і не ведае Яго; а вы ведаеце Яго, бо Ён з вамi ёсць i ў вас будзе;

¹⁸ не пакiну вас сiротамi, прыйду да вас;

¹⁹ яшчэ трохi, i свет ужо не ўбачыць Мяне, а вы ўбачыце Мяне, бо Я жыву, i вы жыць будзеце;

²⁰ у той дзень даведаецеся вы, што Я у Айцу Маім, i вы ўва Мне, i Я ў вас;

²¹ Хто мае запаведзi Мае i выконвае iх, той любiць Мяне, а таго, хто любiць Мяне, таго будзе любіць Айцец Мой, i Я ўзлюблю Яго i яўлю яму Сябе.

²² Кажа Яму Іуда, не Іскарыёт: Госпадзі! што сталася, што Ты хочаш явіць Сябе нам, а не свету?

²³ У адказ Іісус сказаў яму: хто любiць Мяне, той выканае слова Маё; i Айцец Мой узлюбiць яго, i Мы прыйдзем да яго i абiцель у яго створым;

²⁴ хто не любiць Мяне, той не выконвае слоў Маiх; слова ж, якое вы чуеце, не Маё, а Айца, Які паслаў Мяне;

²⁵ гэта сказаў Я вам, будучы з вамi;

²⁶ Уцяшыцель жа, Дух Святы, Якога пашле Айцец у iмя Маё, навучыць вас усяму i напомнiць вам усё, што Я казаў вам;

²⁷ мiр пакiдаю вам, мiр Мой даю вам; не так, як свет дае, Я даю вам; Няхай не трывожыцца сэрца ваша i не баiцца;

²⁸ вы чулi, што Я сказаў вам: адыходжу i прыйду да вас; калi б вы любiлi Мяне, то ўзрадавалiся б, што Я сказаў: iду да Айца, бо Айцец Мой большы за Мяне;

²⁹ і Я сказаў вам цяпер, перш, чым збылося, каб вы паверылi, калі збудзецца.

³⁰ ужо няшмат Я буду гаварыць з вамi; бо ідзе князь свету гэтага i ўва Мне не мае нiчога;

³¹ але каб ведаў свет, што Я люблю Айца i, як запаведаў Мне Айцец, так раблю, - устаньце, пойдзем адгэтуль.