Библия на церковно-славянском языке - транслитерация современным русским алфавитом
(1751)

Книга пророка Осии

◄◄ | ◄ | Глава ⚫ | ► | ►►

¹ Погибнет Самариа, яко сопротивися и Богу своему: оружием падут сами, и младенцы их разбиются, и во утробе имущыя их разсядутся.

² Обратися, Израилю, ко Господу Богу твоему, зане изнемогл еси в неправдах твоих.

³ Возмите с собою словеса и обратитеся ко Господу Богу вашему, рцыте Ему: (можеши всяк отврещи грех:) яко да не приимете неправды, но да приимете благая, и воздадим плод устен наших.

⁴ Ассур не спасет нас, на кони не взыдем, ксему не речем:

⁵ бози наши, делам рук наших: яко в Тебе помилуется сирота. Изцелю селения их, возлюблю я явленно, яко отвратися гнев Мой от них.

⁶ Буду якоже роса Израилю, процветет яко крин и прострет корение свое якоже Ливан.

⁷ Пойдут ветви его, и будет якоже маслина плодовита, и обоняние его аки Ливана:

⁸ обратятся и сядут под кровом его, поживут и утвердятся пшеницею, и процветет яко виноград память его, якоже вино Ливаново.

⁹ Ефремови что ему еще и кумиром? Аз смирих его, Аз и укреплю его: аки смерчие учащеное, от Мене обретеся плод твой.

¹⁰ Кто премудр и уразумеет сия? И смыслен, и увесть сия? Яко правы путие Господни, и праведнии пойдут в них, а нечестивии изнемогут в них.