Библия на церковно-славянском языке - транслитерация современным русским алфавитом
(1751)

Послание апостола Павла Галатам

◄◄ | ◄ | Глава ⚫ | ► | ►►

¹ Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши.

² Друг друга тяготы носите, и тако исполните закон Христов.

³ Аще бо кто мнит себе быти что, ничтоже сый, умом льстит себе.

⁴ Дело же свое да искушает кийждо, и тогда в себе точию хваление да имать, а не во инем:

⁵ кийждо бо свое бремя понесет.

⁶ Да общается же учяйся словеси учащему во всех благих.

⁷ Не льститеся: Бог поругаемь не бывает. Еже бо аще сеет человек, тожде и пожнет:

⁸ яко сеяи в плоть свою, от плоти пожнет истление: а сеяи в дух, от духа пожнет живот вечный.

⁹ Доброе же творяще, да не стужаем си: во время бо свое пожнем, не ослабеюще.

¹⁰ Темже убо, дондеже время имамы, да делаим благое ко всем, паче же к присным в вере.

¹¹ Видите, колицеми книгами писах вам моею рукою.

¹² Елицы хотят хвалитися по плоти, сии нудят вы обрезатися, точию да не креста ради Христова гоними будут:

¹³ ни бо обрезающиися сами закон хранят, но хотят вам обрезоватися, да в вашей плоти похвалятся:

¹⁴ мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру.

¹⁵ О Христе бо Иисусе ни обрезание что может, ни необрезание, но нова тварь.

¹⁶ И елицы правилом сим жительствуют, мир на них и милость, и на Израили Божии.

¹⁷ Прочее, труды да никтоже ми дает: аз бо язвы Господа Иисуса на теле моем ношу.

¹⁸ Благодать Господа нашего Иисуса Христа со духом вашим, братие. Аминь.