Библия на церковно-славянском языке - транслитерация современным русским алфавитом
(1751)

Вторая книга Паралипоменон

◄◄ | ◄ | Глава ⚫ | ► | ►►

¹ И нача Соломон созидати дом Господень во Иерусалиме, на горе Амориа, на месте, еже уготова Давид на гумне Орны Иевусеанина:

² нача же созидати в месяц вторый лета четвертаго царства своего.

³ И сице нача Соломон созидати дом Божий: в долготу лакот, размер первый, лакот шестьдесят, в широту же лакот двадесять:

⁴ и притвор пред лицем дому, долгота по лицу широты дому, лакот двадесять, высота же лакот сто двадесять и позлати его внутрь златом чистым.

⁵ Дом же великий окры дсками кедровыми и позлати златом чистым: извая же на нем подобия фиников и яко мрежицы промежь себе сплетающяся,

⁶ и украси храм камением драгим славно, и позлати златом, еже от Фаруима .

⁷ И позлати дом и стены его, и врата и праги, и окна и двери златом, и извая херувимы на стенах.

⁸ Сотвори же дом Святая Святых, долгота его по лицу широты дому, лакот двадесять, широта такожде двадесять лакот, и позлати и златом чистым на херувимех, талант шесть сот.

⁹ И вес гвоздий, вес гвоздя единаго пятьдесят сикль злата, и горницу позлати златом.

¹⁰ И сотвори в дому Святая Святых Херувима два, дело от древ негниюших и позлати их златом.

¹¹ И криле херувимов, долгота двадесять лакот, и едино крило лакот пяти, прикасающееся стене дому,

¹² и другое крило пяти лакот, прикасающееся крилу херувима другаго:

¹³ криле же херувимов сих распростерте на лакот двадесять, тии же стояху на нозех своих, лица же их (зряще) к дому.

¹⁴ Сотвори же завесу от синеты и багряницы, и червленицы и виссона, и сотка на ней херувимы.

¹⁵ И сотвори пред храмом столпа два, лакот тридесять пять в высоту, и главы их пять лакот.

¹⁶ И сотвори чепи в давире и положи на главах столпов, и шипков сотвори сто, ихже положи на мрежи.

¹⁷ И постави столпы пред лицем храма, единаго одесную, а другаго ошуюю: и нарече имя сущему одесную Исправление, имя же сущему ошуюю Крепость.