Бiблiя беларуская - пераклад Василя Сёмухи
(1995, Минск)

1-я Летапiсаў

◄◄ | ◄ | Глава ⚫ | ► | ►►

¹ Сыны Юды: Фарэс, Эсром, Хармі, Хур і Шавал.

² Рэая, сын Шавала, спарадзіў Яхата; Яхат спарадзіў Ахума і Лагада: ад іх плямёны Царанаў.

³ І гэтыя сыны Этама: Ізрэель, Ішма і Ідбаш, і сястра іхняя, на імя Гацлелпоні,

⁴ Пэнуэл, бацька Гэдора, і Эзэр, бацька Хуша. Вось сыны Хура, першынца Эфраты, бацькі Віфляема.

⁵ У Ахшура, бацькі Тэкоі, былі дзьве жонкі: Хэла і Наара.

⁶ І нарадзіла яму Наара Ахузама, Хэфэра, Тымні і Ахаштары: гэта сыны Наары.

⁷ Сыны Хэлы: Цэрэт, Цохар і Этнан.

⁸ Коц спарадзіў: Анува і Цавэна і плямёны Ахархэла, сына Гарумавага.

⁹ Явіс быў больш славуты за сваіх братоў. Маці дала яму імя Явіс, сказаўшы: я нарадзіла яго з хваробай.

¹⁰ І заклікаў Явіс да Бога Ізраілевага і сказаў: о, калі б Ты дабраславіў мяне Тваім дабраславеньнем, пашырыў межы мае, і рука Твая была са мною, ахоўваючы мяне ад зла, каб я не гараваў`.. І Бог паслаў яму, чаго ён прасіў.

¹¹ А Хэлуў, брат Шухі, спарадзіў Махіра; ён ёсьць бацька Эштона.

¹² Эштон спарадзіў Бэт-Рафу, Пасэаха і Тэхіну, бацьку горада Нааса; гэта жыхары Рэхі.

¹³ Сыны Кеназа: Гатанііл і Сэрая. Сын Гатанііла: Хатаат.

¹⁴ Мэанатай спарадзіў Офру, а Сэрая спарадзіў Ёава, родапачынальніка даліны цесьляроў, бо яны былі цесьляры.

¹⁵ Сыны Халева, сына Ефаніінага: Ір, Іла і Наам. Сын Ілы: Кеназ.

¹⁶ Сыны Егалелела: Зіф, Зіфа, Тырыя і Асарэел.

¹⁷ Сыны Эзры: Етэр, Мэрэд, Эфэр і Ялон; а Етэр спарадзіў Мэрома, Шамая і Ішбаха, бацьку Эштэмоі.

¹⁸ І жонка ягоная Юдыя нарадзіла Ерэда, бацьку Гедора, і Хэвэра, бацьку Сахо, і Екутыіла, бацьку Занаоха. Гэта сыны Бітэі, дачкі фараонавай, якую ўзяў Мэрэд.

¹⁹ Сыны жонкі ягонай Годыі, сястры Нахама, бацькі Кеілы: Гармі і Эштэмоа - Маахацянін.

²⁰ Сыны Сімяона: Амнон, Рына, Бэнханан і Тылон. Сыны Ішыя: Зохеў і Бэнзохет.

²¹ Сыны Сілома, сына Юдавага: Ір, бацька Лэхі, і Даэда, бацька Марэшы, і сямейства, якое вырабляла вісон, з дому Ашбэі,

²² і Ёкім, і жыхары Хазэвы, і Ёаш і Сараф, якія мелі валоданьне ў Мааве, і Яшувілэхем; але гэта падзеі старадаўнія.

²³ Яны былі ганчары, і жылі пры садах і ў агародах; у цара на працах жылі яны там.

²⁴ Сыны Сімяона: Нэмуіл, Ямін, Ярыў, Зэрах і Саўл.

²⁵ Шалум сын ягоны; яго сын Міўсам; ягоны сын Мішма.

²⁶ Сыны Мішмы: Хамуіл, сын ягоны; сын Закур; яго сын Шымэй.

²⁷ У Шымэя было шаснаццаць сыноў і шэсьць дочак; а ў братоў ягоных сыноў было няшмат, і ўсё племя іхняе ня так было шматлікае, як племя сыноў Юды.

²⁸ Яны жылі ў Вірсавіі, Маладзе, Хацаршуале,

²⁹ у Білзе, у Эцэме, у Таладзе,

³⁰ у Вэтуіле, у Хорме, у Цыклазе,

³¹ у Бэт-Маркавоце, у Хацарсусіме, у Бэт-Бірэі і ў Шаарыме. Вось гарады іхнія да валадараньня Давідавага,

³² зь сёламі іх: Этам, Аін, Рымон, Токен і Ашан, - пяць гарадоў.

³³ І вось селішчы іхнія, якія былі вакол гэтых гарадоў да Ваала; вось месцы жыхарства іх і радаводы іхнія.

³⁴ Мешаваў, Ямлэх і Ёсія, сын Амасіі,

³⁵ Ёіл і Егу, сын Ёшыві, сына Сэраі, сына Асіілавага,

³⁶ Эльёэнай, Якава, Ішахая, Асая, Адыіл, Ішымііл і Ванэя,

³⁷ і Зіза, сын Шыфія, сын Алона, сын Едаі, сын Шымрыя, сын Шэмаі.

³⁸ Гэтыя памянёныя былі князямі плямёнаў сваіх, і дом бацькоў іх разьдзяліўся на многія галіны.

³⁹ Яны даходзілі да Герары і да ўсходняга боку даліны, каб знайсьці пашы статкам сваім;

⁴⁰ і знайшлі пашы сакавітыя і добрыя і зямлю абшырную, спакойную і бясьпечную, бо да іх жыло там толькі нямнога Хаміцян.

⁴¹ І прыйшлі гэтыя, па імёнах запісаныя, у дні Эзэкіі, цара Юдэйскага, і перабілі качавых і аселых, якія там былі, і вынішчылі іх назаўсёды, і пасяліліся на месцы іхнім, бо там былі пашы статкам іхнім.

⁴² А зь іх, з сыноў Сімяонавых, пайшлі да гары Сэір пяцьсот чалавек: Фэлатыя, Нэарыя, Рэфая і Узііл, сыны Ішыя, былі на чале іх;

⁴³ і пабілі ацалелую там рэшту Амалікіцян, і жывуць там да сёньня.