Бiблiя беларуская - пераклад Василя Сёмухи
(1995, Минск)

1-я Летапiсаў

◄◄ | ◄ | Глава ⚫ | ► | ►►

¹ І вось разьмеркаваньні сыноў Ааронавых: сыны Аарона: Надаў, Авіюд, Элеазар і Ітамар.

² Надаў і Авіуд памерлі раней за бацьку свайго, а сыноў ня было ў іх, і таму сьвятарылі Элеазар і Ітамар.

³ І разьмеркаваў іх Давід - Садока з сыноў Элеазара, і Ахімэлэха з сыноў Ітамара, па чарзе на службу іх.

⁴ І знайшлося, што паміж сынамі Элеазара ўзначальцаў пакаленьняў больш, чым паміж сынамі Ітамара. І ён разьмеркаваў іх так: з сыноў Элеазара шаснаццаць узначальцаў сямействаў, а з сыноў Ітамара восем.

⁵ А разьмяркоўваць іх па жэрабях, бо галоўнымі ў сьвятыні і галоўнымі прад Богам былі з сыноў Элеазара і з сыноў Ітамара,

⁶ і запісваў іх Шэмая, сын Натанаіла, пісец зь лявітаў, перад абліччам цара і князёў і перад сьвятаром Садокам і Ахімэлэхам, сынам Авіятара, і перад узначальцамі сямействаў сьвятарскіх і лявіцкіх: бралі пры кіданьні жэрабя адно сямейства з роду Элеазаравага, потым бралі з роду Ітамаравага.

⁷ І выйшла першае жэрабя Егаярыву, другое Едаі,

⁸ трэцяе Харыму, чацьвёртае Сэарыму,

⁹ пятае Малхію, шостае Міяміну,

¹⁰ сёмае Гакоцу, восьмае Авію,

¹¹ дзявятае Ешую, дзясятае Шэханію,

¹² адзінаццатае Эліяшыву, дванаццатае Якіму,

¹³ трынаццатае Хушаю, чатырнаццатае Ешававу,

¹⁴ пятнаццатае Вілгу, шаснаццатае Імэру,

¹⁵ сямнаццатае Хэзіру, васямнаццатае Гапіцэцу,

¹⁶ дзевятнаццатае Пэтахіі, дваццатае Езэкіілю,

¹⁷ дваццаць першае Яхіну, дваццаць другое Гамулу,

¹⁸ дваццаць трэцяе Дэлаю, дваццаць чацьвёртае Маазію.

¹⁹ Вось парадак іх пры служэньні іх, як ім прыходзіць у дом Гасподні, па статуце іх праз Аарона бацьку іхняга, як наказваў яму Гасподзь Бог Ізраілеў.

²⁰ У астатніх сыноў Лявія - разьмеркаваньне: з сыноў Амрама: Шуваіл; з сыноў Шуваіла: Едыя;

²¹ ад Рэхавіі: з сыноў Рэхавіі Ішыя быў першы;

²² ад Іцгара: Шэламот; з сыноў Шэламота: Яхаў;

²³ з сыноў Хэўрона: першы Ерыя, другі Амарыя, трэці Яхазііл, чацьвёрты Екамам.

²⁴ З сыноў Азііла: Міха; з сыноў Міхі: Шамір.

²⁵ Брат Міхі Ішыя; з сыноў Ішыі: Захарыя.

²⁶ Сыны Мэрары: Махлі і Мушы; з сыноў Яазіі: Бэна.

²⁷ З сыноў Мэрары ў Яазіі: Бэна і Шаагам, і Закур і Іўры.

²⁸ У Махлія - Элеазар; у яго сыноў ня было.

²⁹ У Кіса: з сыноў Кіса: Ерахмііл;

³⁰ сыны Мушыя: Махлі, Эдэр і Ерымот. Вось сыны лявітаў па пакаленьнях іх.

³¹ Кідалі і яны жэрабя, нароўні з братамі сваімі, сынамі Ааронавымі, перад абліччам цара Давіда і Садока і Ахімэлэха, і ўзначальцаў сямействаў сьвятарскіх і лявіцкіх: галава сямейства нароўні зь меншым братам сваім.